Konfindustria

Në 15/11/2019, në Divjaka Resort, Divjakë u zhvillua edicioni 1 i Expo Forumit “Albania Agri Financing and Food Safety 2019” organizuar nga Konfindustria në bashkpunim dhe me mbështetjen e Ministrisë së Bujqësisë dhe Zhvillimit Rural/MBZHR, Bashkisë Divjakë, Agjencisë Kombëtare të Ushqimit/AKU, Agjencisë së Zhvillimit Bujqësor dhe Rural/AZHBR. Organizimi i eventit kishte qëllim të njohjes të dyanshme dhe bashkrendimit nga bizneset dhe institucionet financiare të potencialeve zhvilluese të rajonit të Myzeqesë dhe vendit në fushën e bujqësisë, agrindustrisë, agroturizmit, etj. me të gjitha burimet financiare të nevojshme dhe të mundshme. Gjithashtu, rëndësi e vecantë ishte problematika në fushën e sigurisë ushqimore si kusht jo vetëm i ruajrjes së shëndetit të konsumatorëve, por njëkohësisht edhe si domosdoshmëri për rritjen e eksporteve “Made in Albania” si dhe konkurencën e drejtë ndërmjet bizneseve në vend. Në forumin shoqërues të eventit u fol edhe për nevojën për shtimin e përfshirjes së pushtetit vendor në zbatimin e politikave të zhvillimit dhe financimit të bujqësisë, certifikimit, standartizimit dhe sigurisë ushqimore. Në ngjarje në Forum dhe Expo shoqëruese morrën pjesë përfaqësues të shumtë të bizneseve më të rëndësishme të Divjakës, Rajonit të Myzeqesë dhe vendit. Në Forum të pranishëm ishin përfaqësues të lartë të institucioneve partnere Z. Gjergj Buxhuku, Administrator i Përgjithshëm i Konfindustrisë, Z. Fredi Kokoneshi, Kryetar i Bashkisë Divjakë, Z. Robert Lili, Drejtori i Përgjithshëm i AKU, Znj Jolanda Shtini, Drejtore e Pagesave në AZHBR. Gjithashtu, ishin të pranishme me cilësinë e folësve përkatësisht znj. Adela Leka, zv.Drejtore e projektit AASF për financimin e Bujqësisë, Znj. Laura Qorlaze koordinatore residente e IFC/Korporatës Financiare Ndërkombëtare, të Bankës Europiane për Rindërtim dhe Zhvillim, etj. Sponsor i Përgjithshëm i Forumit ishte kompania “EHWgmbh”. Mbështetës të eventit ishin edhe Limak Holding-Turqi, MBZHR, Bashkia Divjakë, Agrocon-Lushnje, Tregu Fruta Perime-Lushnje.