Konfindustria

Konfindustria kërkon, që qeveria të ndërhyjë menjëherë në uljen e ngarkesës tërësore fiskale të karburanteve, me qëllim që cmimet fundore të jenë të paktën në vlerat mesatare të shteteve të Rajonit dhe konkurentëve tanë tregëtarë të BE dhe më gjerë. Për sa më sipër kërkohet rishikimi në ulje e gjithë ngarkesës fiskale në të paktën 25% të taksave tërësore mbi karburantet dhe jo vetëm taksës së ‘akcizës’, sikurse u shprehën përfaqësues tëqeverisë. Shtete të BE si Gjernania, italia ,etj kanë ndërhyrë që në 10 ditshin e fundit të muajit korrik 2026 në uljen me 15-25 % të ngarkesës fiskale mbi karburantet. Gjithashtu, Konfindustria mirëpret, ndonëse e quan mjaft të vonuar, riaktivizimin e Bordit të Karburanteve. Konfindustria ka kërkuar në javën e parë të muajit gusht 2026 për uljen e taksave dhe riveprimit të Bordit të Karburanteve. Cmimet me pakicë të naftës në tregun vendor ka kohë që janë në nivelet e 30-70 lekë/litër më të larta se shtetet e rajonit dhe mjaft shtete të BE. Çmimet krahësuese shumë të larta dhe kohëzgjatja e ndikimit të tyre sjellin goditje shtesë shkatërruese dhe falimentime mbi industritë, prodhimin vendor dhe mirëqënien e qytetarëve. Gjëndja e mësipërme rrezikon të sjellë edhe kolaps të ekonomisë në tërësi. Përfituesit e vetëm nga cmimet e larta janë përkatësisht financat publike në afatshkurtër dhe sidomos fitimet e jashtëzakonshme të kartelit monopol të karburanteve.