Konfindustria shpreh shqetësimin për
rritjen e menjëhershme dhe të fortë prej afër 25% në treg të cmimit të gazit.
Rritja e menjëhershme në pothuaj të gjitha pikat e tregtimit dhe në të njëjtën
masë të cmimit të gazit natyror është tregues i qartë i mungesës së konkurencës
ndërmjet operatorëve, shfaqje të kartelit dhe oligopoleve ne treg dhe me pasoja
të drejtpërdrejta te kostot e biznesit, qytetarëve duke rënduar më tej treguesit
historikë negativë të zhvillimit ekonomik edhe për vitin 2021.
Konfindustria i kërkon Autoritetit të
Konkurencës të fillojë hetim administrativ sa më të shpejtë për rritjen e
cmimit të gazit. Sjellje të ngjashme të operatorëve në tregun e gazit dhe të
karburanteve në tërësi në Shqipëri janë të pranishme në mënyrë të përhershme
dhe fakeqësisht pa zgjidhje nga institucionet rregullatore dhe ekzekutive përgjegjës.
Ndërkohë të dhënat nga bursat ndërkombëtare
tregojnë se jo vetëm nuk ka patur rritje të cmimeve të gazit natyror, por përkundrazi
kahu është në rënie të dukshme.
|