Konfindustria, mbështetur në të dhënat dhe problematikat
e operatorëve industrialë, me qëllim rritjen e efektivitetit ekonomik si dhe
standarteve mbrojtëse kundër pandemisë COVID 19, ka përgatitur një Paketë vlerësimi
të gjendjes dhe disa propozime masash përmirësuese:
1- Vlerësohet, se ka filluar
përshtatja më e mirë e punës së bizneseve në kushtet e reja të krijuara nga
gjendja e jashtëzakonshme.
2- Vlerësohet pozitivisht vendimi
i ekzekutivit për njëhsimin e orareve të qarkullimit të njerëzve dhe
aktiviteteve ekonomike.
3- Kërkohet të shtyhet 1-2 orë afati
kohor për mbylljen e aktivitetit të bizneseve/industrive në qëndrat urbane. Një
shtrirje e tillë kohore rrit efektivitetin ekonomik dhe mundëson uljen relative
të dendësisë së qarkullimit të qytetarëve, duke shërbyer edhe në mbrojtjen e
shëndetit.
4- Konfindustria mbështetet
publikimin me akt ligjor të listës së kategorive të bizneseve, që lejohen të
kryejnë aktivitetin e tyre.
5- Kërkohet të ndërtohet
protokolli tekniko-ligjor i masave mbrojtëse të detyruara sipas cdo kategorie
biznesi për tu patur si metodikë pune zbatuese nga bizneset dhe inspektoriatet kontrollit.
6- Lista e kategorive të lejuara të bizneseve dhe
kohështrirja e lejimit të aktivitetit të tyre të jetë më e gjerë në:
a. Hapsirat gjeografike të
paprekura deri më sot nga epidemia.
b. Sektorin bujqësor dhe fermerët
7- Të
sigurohet qarkullimi për të gjitha punonjësit/specialistët e linjave
teknologjike, enëve nën presion, etj. në industri, që kanë nevojë 24-orëshe për
kujdesje dhe parandalim aksidentesh.
Konfindustria vlerëson, se marrja e masave përpjestimore shtrënguese
në përballje me rrezikun e epidemisë është mënyra e vetme në uljen e faturës së
rëndë financiare, që qytetarët dhe bizneset do të duhet të paguajnë nga pasojat
e përballjes me pandeminë.
Administratori i Përgjithshëm
Gjergj Buxhuku