Qëllimi i marrëveshjes është arritja e standardeve me te mira ndërkombëtare te konkurrencës se lire ne treg, përmirësimi i mjedisit te biznesit ne vend, shtimi i aftësisë se ekonomisë kombëtare për tërheqjen e investimeve te huaja, lufta kundër korrupsionit dhe subjektivizmit nga institucionet dhe kompanitë publike dhe rritjen e eficiences se përdorimit te fondeve publike dhe buxhetore. Marrëveshja e nënshkruar ndërmjet KLSH dhe Konfindustrise parashikon vendosjen e pikave te përhershme te kontaktit institucional dhe grupeve te përbashkëta me qellim shkëmbimin e shpejte te informacionit dhe shqyrtimit te ankesave dhe pretendimeve te bizneseve lidhur me zbatimin e procedurave ligjore te tenderimeve, veprimet korruptive dhe subjektivizmin ne përdorimin e fondeve nga e institucioneve dhe kompanive publike. Ne marrëveshje parashikon gjithashtu, shqyrtimin me përparësi te pretendimeve te bazuara ligjërisht te bizneseve lidhur me kontrollet selective dhe penalizimet jo profesionale te institucioneve fiskale, inspektoriateve, etj qe godasin barazinë ne treg dhe konkurrencën e lire. Marrëveshja parashikon shkëmbimin e ekspertizës te dyanshme lidhur me përmirësimin e procedurave tenderuese, mënyrës se përcaktimit te termave teknike te prokurimeve, cilësinë e zbatimit te marrëveshjeve koncesionare.